CBP BES ta sigui ku kòntròl riba aplikashon di lei di privasidat
E Komishon Supervisor di Protekshon di Dato Personal BES (CBP BES) ta sigui ku ehekushon di su tarea legal, esta kòntròl di aplikashon di e lei di privasidat. Den kuadro di su tarea di supervishon e CBP BES resientemente a hasi un kòntròl na e organisashon Island Finance Bonaire.
E CBP BES a risibí vários notifikashon di komunidat lokal tokante prosesamentu di informashon privá na Island Finance Bonaire. Segun mayoria notifikashon ta trata di interogatorio di informashon privá serka kliente. Esaki a resultá den un investigashon segun e Lei di protekshon di dato personal BES (Wbp BES).
E investigashon tabata dirigí riba kuater aspekto: e meta di e prosesamentu (artíkulo 7 Wbp BES), e fundashon legal i nesesidat pa e prosesamentu (artíkulo 8 Wbp BES), e prinsipionan di prosesamentu, proporshonalidat i supsidiaridat i por último: e garantia pa seguridat di informashon privá (artíkulo 13 Wbp BES).
Despues di e investigashon na e instituto di krédito i e revishon basá riba e Wbp BES, CBP BES a konkluí ku e instansia pa gran parti ta kumpli ku e normanan ankrá den lei i ta sumamente satisfecho ku e manera di prosesamentu na e instituto di krédito Island Finance. “Nos ta kontentu ku e bon kolaborashon ku Island Finance Bonaire i e manera rápido ku e organisashon ta trata na implementá e rekomendashonnan”, asina Roëlla Pourier, sekretaria di CBP BES, ta indiká.
Pa mas informashon tokante e lei i e tareanan di CBP BES, bishitá e wèpsait di CBP BES: www.cbpbes.com