Brantwer hopi visibel relashoná ku entrenamentu pa shofùr di e kuerpo
Relashoná ku entrenamentu den e periodo di djaluna 19 te ku djabièrnè 30 di sèptèmber, Kuerpo di bombero Hulanda Karibense (BKCN) lo ta mas visibel ku normal riba karetera públiko di Boneiru. Un total di 14 kolaboradó di brantwer ku ta traha na Boneiru, Saba i Sint Eustatius ta manehá vehíkulo di brantwer durante di e periodo di entrenamentu aki ku regularidat rònt e isla, tin biaha hasiendo uso di sirena i ‘zwaailicht’.
Bou di supervishon di un instruktor di maneho sertifiká pa WRM (WRM-gecertificeerde) e partisipante ta siña kon e por maniobrá rápido pero prinsipalmente sigur den tráfiko, na momentu ku e ta na kaminda pa atendé ku un insidente (di emergensia). Tambe e partisipante ta siña ki ora por òf mester usa ‘zwaailicht’ i sirena. BKCN ta pidi abitante i usuario di karetera di Boneiru pa ta konsiente di e entrenamentu i pa manera ta kustumber, aktua riba e señalnan di emergensia. E entrenamentu ta tuma lugá riba djaluna te ku djabièrnè, entre 9 or di mainta pa 5 or di atardi.