Sekretario di estado Van Ooijen: Kuido i kuido di hubentut Hulanda Karibense ekivalente na Hulanda Oropeo

Kuido i kuido di hubentut na e munisipionan partikular Boneiru, Sint Eustatius i Saba mester bira ekivalente na esnan na Hulanda Oropeo. Esei ta e punto di salida di e vishon di sekretario di estado Van Ooijen (VWS) riba desaroyo di salubridat na Hulanda Karibense e periodo benidero. E último añanan a logra un rekuperashon di retraso grandi i a hisa e previshonnan na un nivel aseptabel. Awor ku a pone e base, tin espasio pa sigui traha riba mehorashon di kalidat i disponibilidat di oferta.

Maarten van Ooijen - VWS

Sistema di kuido na midí

Sekretario di estado Van Ooijen (VWS): "Boneiru, Saba i Sint Eustatius ta parti kompleto di Hulanda, esei ta inkluí ku kuido tambe mester ta disponibel na un manera ekivalente. Huntu ku gobièrnu lokal, organisashon di kuido embolbí i tur habitante di Hulanda Karibense, mi kier traha pa logra esei. Ekivalente no ta nifiká sinembargo ku nos ta tuma tur kos ofer manera e ta na Hulanda Oropeo. E ambishon ta un sistema di kuido trahá na midí pa Hulanda Karibense, teniendo kuenta ku e konteksto relashoná ku e eskala chikitu di e islanan."

Kalidat i disponibilidat di e oferta di kuido

Riba tur tereno di salubridat i hubentut ta sigui traha riba kalidat i disponibilidat di e oferta. Grandi- i personanan ku un limitashon mester haña e kuido ku nan tin mester, tambe den kuadro di e enbehesimentu kresiente. Tambe ta mehorá e oferta pa hóbennan ku problemátika kompleho. Ehersisio i un estilo di bida saludabel mester bira parti di e bida diario di habitantenan. Riba tereno di salú públiko ta importante pa sigui desaroyá e sekshonnan lokal di e munisipionan partikular. Por último, si no por organisá kuido na Hulanda Karibense, nos lo regla esaki e ora ei mas tantu posibel den region. E punto di salida pa esei ta: mas serka ku ta posibel i te asina leu ku ta nesesario.

Kooperashon den Reino

Kòrsou, Aruba i Sint Maarten (CAS) ta paisnan outónomo den Reino i den esei nan mes ta responsabel pa nan sistema di kuido i di salubridat. Pero pa tin bon kuido na disposishon den henter Reino, nos ta dependé parsialmente di otro. Pa e motibu ei a lanta resientemente Dutch Caribbean Hospital Alliance (DCHA), un laso di kooperashon entre diferente hospital den e parti karibense di Reino.

Pa promové kuido di kalidat haltu den e parti karibense di Reino, ta di gran importansia pa e kuater paisnan den Reino stimulá e kooperashon akí.