Koninklijke Marechaussee ta investigando kaso di sospecho di soborno
Riba 15 di yanüari Koninklijke Marechaussee (KMar) a inisiá un investigashon na Bonaire International Airport (BIA) relashoná ku un kaso di sospecho di soborno. E hòmber konserní na yegada na Boneiru a purba kumpra un resultado di tèst negativo debí ku ela tèst positivo pa Covid-19. E Departamentu di Salubridat Públiko di Entidat Públiko Boneiru (OLB) no tabata ke koperá ku esaki i a pidi asistensia di KMar.
E hòmber, ku a bini for di Miami, a mustra un tèst di PCR negativo, pero esaki no tabata bálido mas. Ora e hòmber mester a tèst di nobo ela resultá positivo. Despues e hòmber a trata di soborná dos trahadó di aeropuerto, pa asina aun otorg’é un tèst negativo. KMar a inisiá un investigashon den e kaso aki i lo presentá e dosié na Ministerio Públiko (OM) despues. A hiba e hòmber na e adrès di su akomodashon pa bai den isolashon i e mester sali mesora for di Boneiru ora e periodo di isolashon terminá.
Koninklijke Marechaussee ta traha huntu ku Departamentu di Salubridat Públiko na aeropuerto di Boneiru pa hasi investigashon pa posibel echo kastigabel relashoná ku resultado di tèst.