Akuerdo di kuido entre Eye Care Optical Saba i ZJCN
Akuerdo di kuido entre Eye Care Optical Saba i ZJCN ta na vigor bou di mesun kondishonnan i ta keda na vigor te ku 31 di desèmber 2022.
Den konsulta ku ZJCN a disidí ku Eye Care Optical Saba ta keda e úniko i pues number 1 óptika i optometrista pa aseguradonan di ZJCN na Saba. Eye Care Optical Saba a identifiká opstákulonan pa operashon ku ZJCN lo analisá i si esaki ta posibel, presentá solushonnan pragmátiko.
Eye Care Optical Saba tin pèrmit di ZJCN pa ahustá su orarionan, basta esaki no kousa efektonan di kuido desbentahoso pa aseguradonan di ZJCN. Te ku 31 di ougùstùs 2022, orario di Eye Care Optical Saba ta: di djaluna te ku djabièrnè di 8 or di mainta te ku 4 or di atardi. Despues lo ahustá e dianan i orario segun nesesidat. E ofisina di Eye Care Optical Saba ta situá na Breadline Plaza, Windwardside, Saba.
ZJCN ta kontentu di por sigui ku e kolaborashon ku e personal di Eye Care Optical Saba, pa asina por brinda kuido efisiente i nesesario na komunidat di Saba.