Inflashon Hulanda Karibense ta sigui subi

Den e di dos trimèster di 2022, produkto i servisio di konsumo na Boneiru tabata 9,4 porshento mas karu ku e aña anterior. Den e promé trimèster inflashon ainda tabata 9,2 porshento. E oumento aki ta prinsipalmente debí na e oumento di preis pa alimentashon i buelo. CBS ta indiká esaki a base di e indise di preis pa konsumidó na Hulanda Karibense.

Centraal Bureau voor Statistiek

Na Sint Eustatius inflashon a subi di 4,9 porshento den e promé trimèster pa 7,7 porshento den e di dos trimèster. Partikularmente e oumento di preis pa alimentashon, gasolin, i buelo, a provoká e oumento di inflashon na Sint Eustatius. Preisnan na Saba a subi ku 8,2 porshento, basá riba un periodo di un aña, den e di dos trimèster di 2022. Den e promé trimèster inflashon ainda tabata 6,7 porshento. Ta atribuí e oumento na Saba tambe na e oumento di preis di alimentashon, gasolin i buelo.

Inflatie Caribisch Nederland

Preis na Boneiru a oumentá ku 1,8 porshento kompará ku e trimèster anterior

Kompará ku e promé trimèster di 2022, preis na Boneiru a subi den e di dos trimèster ku 1,8 porshento. E oumento aki ta debí, prinsipalmente, na e oumento di preis pa alimentashon (2,2 porshento). E preisnan di buelo a subi ku 8,5 porshento, produkto pa mantenshon di kas a subi ku 5,5 porshento i preis di seguro a subi 4,8 porshento. Preisnan di enseñansa a subi ku 7,0 porshento.

Preis na Sint Eustatius a oumenta ku 3,6 porshento kompará ku e trimèster anterior

Preis pa konsumidó na Sint Eustatius a subi den e di dos trimèster di 2022 ku 3,6 porshento kompará ku e promé trimèster. Preis pa alimentashon a subi ku 2,8 porshento den e último trimèster kompará ku e trimèster anterior. Preis di transporte a subi ku 12,4 porshento den e di dos trimèster. E oumento aki ta debí na e subida den preis di outo (4,6 porshento), gasolin (13,1 porshento) i buelo (14,8 porshento). Preis di mueble i aparato elektróniko tambe a subi.

Preis na Saba a oumentá ku 2,8 porshento kompará ku e trimèster anterior

Na Saba, konsumidó mester a paga un promedio di 2,8 porshento mas den di dos trimèster di 2022 kompará ku e trimèster anterior.

Preis pa alimentashon a subi ku 3 porshento den e último trimèster kompará ku e trimèster anterior. Na Saba, preis di transporte a subi ku 10,6 porshento den e di dos trimèster. Preis di outo tabata 4,6 porshento mas karu i e preis di gasolin a subi ku 7,4 porshento. Buelo tabata 11,2 porshento mas karu ku e trimèster anterior.

Webu a bira hopi mas karu

Hopi remarkabel ta e oumento den preis di webu den e último trimèster. Preis di webu a subi konsiderablemente riba tur tres isla kompará ku e promé trimèster. Na Sint Eustatius, webu a bira 51,7 porshento mas karu, na Saba 28,1 porshento mas karu i na Boneiru 16,3 porshento mas karu. Riba 17 di Mei 2022, entidat públiko di Boneiru a subi e preis di webu lokal pa komersio chikí.

Inflatie Caribisch Nederland

Sifranan provishonal

E sifranan provishonal di e promé trimèster di 2022 pa Boneiru ta ahustá debí na informashon adishonal. E sifranan durante e di dos trimèster di 2022 ta tentativo i lo stipulá nan definitivamente ora di publiká sifranan tokante e di tres trimèster di 2022.

Artíkulo (na hulandes):
De kleinhandelsprijs voor lokale kippeneieren verhoogd https://bonairegov.com/nieuwsoverzicht/artikel/tijdelijke-verhoging-kleinhandelsprijs-lokale-kippeneieren

Fuentenan:
StatLine - Hulanda Karibense: https://opendata.cbs.nl/CBS/nl/dataset/84046NED/table?dl=BFA9