Seguro di kuido Hulandes pa studiantenan di Hulanda Karibense un paso mas serka
Komo resultado di legislashon resientemente adaptá, studiantenan di Hulanda Karibense lo tin mas posibilidat pa registrá pa e seguro di kuido di Hulanda Europeo (“basiszorgverzekering”) pa durante nan estudio na Hulanda.
Anteriormente solamente studiantenan ku un djòp banda di nan estudio por a apliká pa e seguro aki. Den futuro esaki lo ta posibel pa tur studiante di Hulanda Karibense ken lo ta studiando na Hulanda pa un temporada prolongá (por ehèmpel pa un estudio di mas ku 3 aña). Na e momento aki studiantenan di Hulanda Karibense ken no tin un entrada banda di nan finansiamentu di estudio tin posibilidat pa mantené nan seguro di kuido BES na Hulanda Europeo.
E seguro di kuido di Hulanda Europeo (“basiszorgverzekering”) lo brinda e studiante mas oportunidat ku e seguro di kuido BES, manera e posibilidat pa pidi un “zorgtoeslag” (red.: un kompensashon finansiero pa gastunan di seguro di kuido pa personanan ku un entrada abou).
Durante e delaster kuartal di 2022 lo publiká informashon konkreto pa e studiantenan tokante nan opshonnan pa loke ta nan seguro di kuido na Hulanda Europeo via medionan di komunikashon i e kantor di kuido di Hulanda Karibense.
Pa mas informashon
Pa mas informashon por manda un e-mail na departamento VWS di Rijksdienst Caribisch Nederland via info@zorgverzekeringskantoor.nl.