Plenchi di trabou ta invertí den profeshonal lokal pa e sektor di turismo
Buskadó di trabou lo haña chèns pa partisipá den diferente treinen básiko pa e sektor di turismo. Despues di kompletá un di e treinennan aki, e partisipante lo haña un sertifikado i lo kòpel e inmediatamente ku un dunadó di trabou. Plenchi di Trabou, den kolaborashon ku Moving Forward, Forma i diferente kompania di hóreka lokal, ta organisá e treinen aki.
Meta di e treinen ta pa eduká mas profeshonal lokal pa traha den e sektor di turismo na Boneiru. Tin hopi demanda pa trabou den e sektor di turismo i ta parse ku por lo pronto e demanda aki lo keda.
Ta ofresé diferente treinen. E promé dos treinen ta kuminsá riba 20 di yüni: ‘housekeeping’ i siguridat. Den ougùstùs e treinen bartènder/weiter ta riba programa i na sèptèmber e treinen pa guia turístiko ta kuminsá. E treinen ta trahá na midí. Ta eduká i forma e partisipante den 4 te 8 siman. Durante e período aki, e partisipante lo haña lès tokante teoria i praktiká i e ta haña eksperensia ku kua e por atkerí e abilidatnan adekuá pa traha den e sektor aki.
Partisipashon na e treinen ta grátis. E partisipante mester gusta atendé i sinti motivá pa traha den sektor di turismo i pa ta na servisio di e bishitante. Den konsulta ku e propio dunadó di trabou, personanan ku ya ta traha den turismo por partisipá den un di e treinennan aki pa haña formashon adishonal.
Si tin pregunta òf pa registrá, tuma kontakto ku Plenchi di Trabou via info@plenchiditrabou.com, (+599) 7158346 òf bishitá e ofisina na Kaya L. D. Gerharts 12.