Subida di ònderstant i kompensashon pa yu entrante yüli 2022
Riba 9 di yüni 2022 ta publiká e areglo ministerial ku e suma nobo ku e unidat di RCN SZW lo paga entrante promé di yüli pa kompensashon pa yu i ònderstant. Ku esaki entrante yüli famianan ku yu i personanan ku derecho riba ònderstant ku ta biba riba nan mes, lo risibí un montante mas haltu.
Den e añanan benidero e suèldu mínimo legal lo krese pa yega altura di e mínimo sosial. Ku e oumento aki e ònderstant tambe lo subi. Pa soltero- i parehanan ku ta biba riba nan mes e ònderstant ainda no ta den e proporshon deseá den relashon ku e suèldu mínimo legal. Pa e motibu ei tantu e supsidio pa biba independiente komo e supsidio pa biba konhunto komo parti di e ònderstant ta subi entrante promé di yüli 2022 pa 109 USD pa kada dos siman na Boneiru, 132 USD na Sint Eustatius i 130 USD pa kada dos siman na Saba. Ku e subida aki e montante di ònderstant ta yega 62,5% di e suèldu mínimo legal pa solteronan i pa parehanan ku ta biba riba nan mes 85% di e suèldu mínimo.
Kompensashon pa yu
E kompensashon pa yu tambe ta oumentá entrante 1 di yüli 2022; ku 10 USD te 99 USD pa luna na Boneiru, Saba i Sint Eustatius. Ku esaki e suma di kompensashon pa yu na Hulanda Karibense ta na mes nivel ku e suma promedio di kompensashon pa yu na Hulanda Oropeo. Riba promé di yanüari 2023 ta sigui un oumento mas di 10 USD.