Na 2024 lo introdusí un trayektoria di enseñansa nobo den VMBO
Na 2024 lo introdusí un trayektoria di enseñansa nobo den VMBO. Esaki lo kombiná e konosido trayektoria teorétiko (TL) ku e trayektoria kombiná (GL). E trayektoria nobo lo enfoká mas riba e aspekto práktiko i lo ofresé esaki for di e terser aña di VMBO.
E meta di programanan ku enfoke riba aspekto práktiko
Tur alumno for di su terser aña den VMBO lo drenta e programa práktiko, esei ta nifiká ku e ta risibí tarea di bida real di organisashon- i empresanan di tantu Boneiru komo Hulanda Europeo. Asina e ta krea un imágen kla pa su mes di e mundu pafó di porta di skol, e ta deskubrí kiko e gusta berdaderamente i kiko e ta bon den dje. Fuera di esei e ta desaroyá su abilidatnan ku ta yud’é den su eskoho di estudio mas aleu.
Kada skol ta ofresé un òf mas programa ku enfoke riba práktika. Den un programa asina alumnonan ta haña eksperensia konkreto riba diferente tereno laboral. Por ehèmpel den kuido òf ICT. Danki na e tareanan desafiante e alumno ta haña mas konosementu den kiko ta su talento- i pashon, i si e trayektoria akadémiko lo hib’é pa MBO òf HAVO. E trayektoria aki ta para pa un kombinashon di pensa i hasi i ta prepará e alumno pa e eskoho promé i e transishon pa e siguiente etapa di edukashon.
Denter di poko SGB lo inisiá un programa ku enfoke riba práktika. SGB lo introdusí e trayektoria aki ofisialmente den e aña eskolar 2024-2025, pero, lo kuminsá kaba pronto ku un proyekto di prueba ku ref di koral komo tema.
Liña di tempu
Ta introdusí e trayektoria nobo ofisialmente den e aña eskolar 2024-2025 despues ku finalisá e proyektonan piloto ku a kuminsá na 2020. Den e aña aki tambe e nòmber ofisial pa e trayektoria nobo lo bira konosí. Bo kier sa mas? Bishitá www.sterkberoepsonderwijs.nl