Informashon tokante asuntunan laboral pa trahadónan i dunadó di trabou
Na prinsipio di luna di mei, e unidat di RCN-SZW i Plenchi di Trabou na Boneiru ta organisá diferente reunion di informashon pa trahadónan i dunadó di trabou. Durante e reunionnan aki, lo papia tokante tur tópikonan ku ta establesé den legislashon laboral, pa asina trahadónan i dunadó di trabou sa eksaktamente kiko nan derecho i debernan ta.
E reglanan legal riba tereno di labor ta pa garantisá ku trabou ta tuma lugá di un forma hustu, sigur i saludabel. Tin biaha trahadónan i dunadó di trabou no ta na altura di e reglanan aki. Pa e motibu aki e unidat di RCN-SZW huntu ku Plenchi di Trabou ta organisá un seri di reunion pa informá trahadónan i dunadó di trabou tokante tur nan derecho i debernan.Temanan ku ta keda tratá ta inkluí asuntunan relashoná ku trabou, manera kontrato laboral, salario (mínimo), oranan èkstra, retiro, malesa i embaraso, oranan di trabou, siguridat riba lugá di trabou i e reglanan rondó di dianan di fiesta.festivo.
Ta duna e seshonnan di informashon den diferente idioma. Pa trahadónan tur e reunionnan lo ta na hulandes, papiamentu i spañó i lo tuma lugá dia 10 di mei for di 7 or te ku 9 or di anochi, na diferente lokalidat.
E seshonnan di informashon pa dunadó di trabou lo tuma lugá riba 2 di mei for di 9 te11 or di mainta (hulandes), riba 3 di mei for di 7 te 9 or di anochi (papiamentu) i riba 4 di mei for di 9 te 11 or di mainta (spañó). E enkuentronan aki ta tuma lugá na Kámara di Komèrsio.
Por registrá via 715 8849 òf manda un meil na SZW.infosessie@rijksdienstcn.com.