Beisbolista Kenley Jansen i Ozzie Albies ta bishitá Justitiële Inrichting Caribisch Nederland (JICN)
Beisbolista Kenley Jansen i Ozzie Albies ta bishitá Justitiële Inrichting Caribisch Nederland (JICN). Nan a papia ku detenidonan pa duna nan ánimo. 'Keda positivo, tambe na momentu ku ta parse ku no tin salida. Bo ta sali for di aki. Nunka ta lat pa kambio i pordon. Awor ta e momentu pa skohe e kaminda korekto,' asina Kenley a bisa e detenidonan.
Bida despues di prizòn
Despues di bida den prizòn, ta difísil pa un detenido konstruí un bida nobo den komunidat. P’esei JICN ta ofresé un trayekto di reintegrashon. Durante detenshon, JICN ta duna e posibilidat na e detenido pa desaroyá su mes, pa medio di edukashon, trayekto siña/traha, i trabou. Tambe, JICN ta ofresé struktura. Tur dos elemento ta brindá e detenido un chèns mas grandi pa konstruí un bida sosialmente aseptabel den komunidat. Ku palabranan di Kenley i Ozzie, JICN ta spera ku esaki ta un motivashon èkstra pa e detenido prepará su mes pa reintegrashon.
Beisbolistanan Kenley Jansen i Ozzie Albies
Kenley i Ozzie tabata na Boneiru pa Baseball Week Bonaire 2023. Aki nan a duna diferente klínika na muchanan. Beisbolista Kenley Jansen ta hunga ku e ekipo Boston Red Sox. Ozzie Albies ta un beisbolista konosí ku ta hunga ku e ekipo Atlanta Braves na Merka. Fuera di duna klínika, nan ta haña importante pa duna un aporte na komunidat. Pa e motibu aki nan a bishitá JICN.