Kampaña di informashon pa elekshon di Konseho Insular i Kolegio Elektoral

E siman aki e kampaña di informashon pa elekshon di Konseho Insular i Kolegio Elektoral ta kuminsá. E elekshonnan aki ta tuma lugá 15 di mart próksimo.

Elekshon di Konseho Insular 2023

Den e kampañanan pa e elekshonnan di Konseho Insular ku e lema ‘Bo ke nos isla sigui floresé?’ i Kolegio Elektoral ku e lema ‘Kada voto a konta’ ta usa henter e proseso di elekshon.

Riba e wèpsait di Rijksdienst Caribisch Nederland por haña informashon tokante e elekshonnan i kon tur kos ta funshoná, por ehèmpel: na momento ku un persona por vota, kiko un persona mester tin pa e por vota, kiko ta un tarheta di identifikashon bálido, kon un votadó por outorisá un persona pa por vota pe, kiko un persona ku no a risibí karchi di vota mester hasi, kumpra òf bende voto ta kastigabel. Tambe riba e wèpsait por tuma nota unda e sitionan pa vota na Boneiru, Saba i Sint Eustatius ta situá.

Ta duna informashonnan rondó di elekshonnan via di facebook, korant lokal, radio i TV. Tambe abitantenan di Hulanda Karibense lo risibí un foyeto ku informashon na kas.

Pa mas informashon:
Wèpsait: : www.rijksdienstcn.com/eilandsraadverkiezingen

www.rijksdienstcn.com/kiescollege2023

Facebook: Kiescolleges 2023

Island Council Elections

RCN na enkargo di Ministerio di Asuntunan Interno i Relashon den Reino ta responsabel pa e kampaña di informashon anto di e forma aki ke informá i stimulá e votadó pa hasi bon uso di su derecho di voto riba 15 di mart.