Claudia Toet nombrá komo Direktor nobo pa Belastingdienst Caribisch Nederland entrante promé di sèptèmber
Dia 15 di yüni 2023 Claudia Toet lo kuminsá na Belastingdienst na Hulanda Oropeo, despues di un periodo pa kustumbrá na Belastingdienst na Hulanda, formalmente e lo asumí enkargo di e funshon di Direktor di Belastingdienst Caribisch Nederland for di e Direktor aktual Anneke van den Breemer entrante promé di sèptèmber 2023.
Claudia Toet:
“Mi ta entusiasmá pa duna inisio na mi tarea komo Direktor di Belastingdienst Caribisch Nederland i traha riba e tarea importante pa siudadano di Hulanda Karibense pa duna un servisio ku ta bon, konfiabel, seif i ku ta kuadra ku e tempu ku nos ta biba aden. E promé impreshon ku mi a haña ta positivo i profeshonal i mi tin ánimo pa sigui implementá mi konosementu i usa mi ret profeshonal tantu na Hulanda Karibense komo Hulanda Oropeo, huntu ku e empleadonan i partnernan di kadena.”
For di 2021 e ta Komisario di Gobièrnu suplente (mandatario) pa Entidat Públiko Sint Eustatius. Den e ròl aki e ta supervisá ehekushon di e kriterionan ku ta kai bou di e lei asina yamá ‘Wet Herstel voorzieningen”. Di 2020 pa 2021 Toet tabata ‘coach’ i mènedjer di kambio pa Entidat Públiko Sint Eustatius.
E nombramentu riba un funshon ABD a sosodé via e prosedura general pa funshon dentro di Algemene Bestuursdienst. E reklutamentu i selekshon tabata bou enkargo di Bureau ABD i Belastingdienst. Manera semper a publiká e vakatura ampliamente di forma ku tur hende por a solisitá.