Arte teatral ‘Kibra ku Bèrgwensa‘ riba 24 di mei benidero
Tei p’abo ta organisá e arte teatral interaktivo ‘Kibra ku Bèrgwensa‘ den kolaborashon ku naradó di storia Archell Thompson. A krea e arte aki basá riba situashon real i e aktuashon ta trata di kon pa kibra ku e sintimentu di bèrgwensa. E aktuashon interaktivo ta tuma lugá na Jong Bonaire den un instalashon doméstiko i ta aktua a base di hunga ròl rekonosibel. Den e forma teatral aki tei p’abo ke mustra orígen di bèrgwensa i kon pa kibra ku esaki.
Archell Thompson di orígen ta bini di Kòrsou. Na febrüari el a presentá ku diferente mayor i mucha di Boneiru den e arte teatral ‘Show your talents‘ i na novèmber 2021 ‘Stop the beating‘. Entretantu Archel no ta un hende deskonosí na Boneiru.
Den forma di teater tei p’abo ke pone atenshon na kibra ku bèrgwensa pa hasi e tema mas visibel i diskutibel pa públiko. Huntu ku e públiko ta buska orígen di bèrgwensa, posibel solushon i tambe ta duna inspirashon na e bishitantenan kon pa atendé ku bèrgwensa.
E arte teatral ta grátis i ta tuma lugá riba 24 di mei pa 6’or di atardi na Jong Bonaire. Bo ke asistí na e presentashon? Registrá bo mes via rcncommunicatie@rijksdienstcn.com
Tin espasio pa solamente 40 persona, pues registrá mesora pa bo sigurá un lugá.