Bai directamente na kontenido

Minister Franc Weerwind di Protekshon Hurídiko ta bishitá Boneiru, Aruba i Kòrsou

Notisia | 16-05-2023 | 16:45

Minister Franc Weerwind di Protekshon Hurídiko ta hasi Boneiru, Aruba i Kòrsou un bishita di trabou di 21 pa 27 di mei. E bishita ta prinsipalmente den kuadro di sera konosí i den su ròl komo e persona responsabel pa diferente parti di sistema riba tereno di Hustisia i Siguridat. Tambe e ta hiba kombersashon tokante e pasado di sklabitut. 

Franc Weerwind

Boneiru

E biahe ta kuminsá dia 21 di mei na Boneiru. E minister lo hasi un rekorido den Justitiële Inrichting Caribisch Nederland (JICN, Instituto Hudisial Hulanda Karibense), i tambe ta bishitá Stichting Reclassering. Ademas, riba programa tin un bishita na e proyekto di prevenshon “alleen jij bepaalt” (“abo so ta disidí”) na Jong Bonaire.

Aruba

Dia 23 di mei minister Weerwind ta yega Aruba, i gobernador Alfonso Boekhoudt ta risibié. Huntu ku minister di Hustisia i Asuntunan Sosial Tjon, Weerwind lo bishitá Korrektie Instituut Aruba (Instituto di Korekshon Aruba). Tambe tin un kombersashon planiá ku e prokurador general suplente. 

Kòrsou

Lo kontinuá e bishita di trabou na Kòrsou for di 24 di mei. Aki e minister ta hiba  kombersashon na Korte Komun di Hustisia. Tambe lo tin bishita na Archivo Nashonal i Banda Abou. Riba e programa tin tambe un bishita na e fakultat di lei i un enkuentro ku studiantenan. Ademas, minister Weerwind, huntu ku minister di Hustisia Hato, ta bishitá Sentro di Detenshon i Korekshon Kòrsou.