Koninklijke Marechaussee hopi visibel riba kaya pa motibu di treinen di abilidat di kore outo
Den e periodo di djaluna 22 di mei te ku djaluna 5 di yüni, Koninklijke Marechaussee (KMar) lo ta hopi visibel riba kareteranan públiko di Boneiru. Esaki tin di aber ku un treinen di abilidat di kore outo. Durante e periodo di treinen aki regularmente lo hasi uso di señalnan óptiko i di zonidu.
Bou di supervishon di un instruktor sertifiká di e Opleidings- en Trainingscentrum Rijden (OTCRIJ) di Defensa, trahadónan di KMar ta haña treinen i ta evaluá nan riba kon lihé i, prinsipalmente, seif nan por transportá nan mes pa un kaso (di emergensia). E treinen ta tuma lugá riba dianan di trabou, entre 8or di mainta i 5 or di atardi. Koninklijke Marechaussee ta pidi habitante i usuario di kareteranan di Boneiru pa ta konsiente di e treinen i pa reakshoná na manera usual riba e señalnan di emergensia.