A presentá Resultado di investigashon di medionan di komunikashon den Hulanda Karibense presentá
Rijksdienst Caribisch Nederland (RCN) ta komuniká a traves di diferente kanal ku un diversidat di grupo di enfoke na Hulanda Karibense. E panorama di medionan di komunikashon ta desaroyando rápidamente i pa e motibu ei RCN ta laga un agensia di investigashon independiente hasi un investigashon di medionan di komunikashon kada 2 aña.
Meta di e investigashon ta pa haña un bista di e manera ku habitantenan di Boneiru, Sint Eustatius i Saba ta hasi uso di medionan di komunikashon, pa asina por sinkronisá uso di medionan di komunikashon mihó ku esaki.
E pregunta prinsipal ku tabata sentral den e investigashon akí tabata: Kon habitantenan di Hulanda Karibense ta usa medionan di komunikashon i kon ta risibí mensahenan di RCN?
A investigá si ta alkanse alkansá e habitantenan ku e meskla di kanal- i medionan aktual i medionan di komunikashon aktual, kiko nan ta opiná di e aktual mensahenan di RCN i kua kanal- i medionan di komunikashon nan ta usa pa informá nan mes. Banda di esaki a investigá tambe dikon habitantenan ta usa e kanalnan aki, na ki momentu i kuantu ta wak òf skucha sierto kanalnan.
Ku e informashon for di e enkuesta i for di e entrevista den grupo RCN por sòru ku e mensahe di e diferente departamentonan di Rijksoverheid pa yega na mas tantu habitante posibel, pa e mensahe ta kla i ku e diferente ekspreshon di komunikashon ta atraé.
Durante un enkuentro organisá pa Komunikashon di RCN a presentá e resultadonan mas importante di e investigashon na medionan di komunikashon na Boneiru.
Durante e presentashon Aa sali na kla ku na Boneiru 94% di esnan habitante ta alkansabel via retnan sosial (Whatsapp tambe ta forma parti di esaki), 77% via radio, 74% via wèpsaitnan di notisia i 57% via korant. Na Saba 87% di e habitante ta alkansabel via retnan sosial, 77% via wèpsaitnan di notisia i 57% ta lesa korant. Solamente 40.3% di habitante di Saba ta skucha radio di bes un kuando. Na Sint Eustatius 98% di esnan entrevistá kontestá ta alkansabel via retnan sosial, 67% via radio, 64% via wèpsaitnan di notisia i 57% via korant.