Mihó protekshon kontra diskriminashon na Boneiru, Sint Eustatius i Saba
Riba 10 di novèmber Konseho di Minister a disidí ku leinan di trato igual, en adelante mester ta aplikabel tambe na Boneiru, Sint Eustatius i Saba. Esaki ta nifiká ku abitante di e islanan aki ku ta sinti su mes diskriminá pa sea kualke motibu (género, edat, orígen, religion, hèndikèp, orientashon seksual, etc.) tambe por apelá na e lei akí.
Tambe nan por notifiká na un fasilidat nobo kontra diskriminashon BES i ei por pidi ayudo i konseho grátis. Finalmente nan por kana kaminda pa Kolegio pa derecho humano pa yega na un veredikto den nan kaso.
Minister de Jonge di Asuntunan Interno i Relashonnan den Reino, Bibienda Públiko i Planifikashon Espasial:
"A bira tempu pa nos bai tuma e paso akí. Trato igual ta un derecho di prinsipio. Esaki ta stipulá den artíkulo 1 di nos Konstitushon. Pues ta bon i lógiko ku e leinan akí di trato igual, ku ta un elaborashon di esaki, ta aplikabel na henter Hulanda".
Sekretario di Estado Van Huffelen (Relashonnan den Reino i Digitalisashon):
"Anteriormente nos a laga hasi un investigashon profundo, for di kua a mustra ku tin sosten amplio pa e paso akí na e islanan. E Kolegionan Ehekutivo di Boneiru, Saba i Sint Eustatius na e momentu ei a urgi serka mi pa introdusí i implementá rápidamente e leinan di tratu igual. Ta esei nos ta bai hasi awor".
Kontinuashon mas leu
Kompania i siudadano por a duna su opinion tokante e proposishon pa medio di konsulta riba internet. A elaborá e input den un vershon nobo di e proposishon di lei, ku awor gabinete lo presentá na Raad van State i ku despues lo manda pa Tweede Kamer. E proposishon di lei ta programá pa drenta na vigor na aña 2025.