Inougurashon ofisial di kazèrne di brantwer Saba riba sinku di desèmber
Semper bo tabatin e deseo semper pa wak un crashtender òf un di e otro vehíkulonan di brantwer djaserka? Esei ta posibel! E kazèrne di brantwer nobo na Saba ta habri su portanan riba riba djamars 5 di desèmber. Gezaghèber Jonathan Johnson lo hasi apertura ofishal di e kazèrne. Komandante lokal Julio Every ta ansioso: “for di yüli kaba nos ta trahando riba esaki. Pero nos ta kontentu i orguyoso di por mustra nos kazèrne i nos trabou awor na nos partnernan di kadena- i habitantenan tambe.”
Kiko nos bishitantenan por spera riba e dia ei?
“E ta bai bira un bunita dia! Nos ta duna nos bishitantenan un bista real tras di kortina. Algun invitado lo duna splikashon tokante nan trabou i e kazèrne. Naturalmente tin entertainment i tin algu pa kome i bebe. Ku otro palabra tin sufisiente kos pa hasi. Pues no keda sin pasa!”, Julio ta sigui bisa.
Traha den un ambiente sigur i agradabel
“Mi ta sumamente kontentu ku e kazèrne nobo akí. Un kazèrne nobo tabata nesesario. Awor nos por hasi nos trabou den un ambiente sigur i agradabel. Por ehèmpel awendia nos por hasi ehersisio pafó rònt di e kazèrne. I e kazèrne nobo tin un espasio chikitu pa hasi ehersisio. Esei ta fantástiko pa koleganan, pasobra asina nan ta keda den bon kondishon. Un bia mas, p’esei mi ta sinti mi felis i orguyoso di por mustra nos kazèrne i nos trabou na nos partner di kadena- i habitantenan”, Julio ta konkluí.
E apertura ofisial di e kazèrne di brantwer nobo ta riba djamars 5 di desèmber pa 3 or di atardi.