Selebrashon Dia di Prensa ku atenshon pa konmemorashon pasado di sklabitut 1 sèptèmber 2023
Komo wardadó di demokrasia prensa tin un ròl krusial den nos komunidat. Promé di sèptèmber ta Dia di Prensa i e momentu pa ekspresá nos gradesimentu na prensa. E aña aki e selebrashon ta pone atenshon na pasado di sklabitut. Riba invitashon di Rijksdienst Caribisch Nederland (RCN). Roland Colastica a presentá su arte “Verlangen” (Deseo).
Roland Colastica ta un eskritor, outor i dosente na Kòrsou. E ta hasi uso di teatro pa traha un brùg entre dos mundu ku tin hopi diferensia, pero tambe hopi similaridat ku otro. Pasó ounke distansia físiko entre Hulanda i e parti karibense di Reino ta grandi, komprenshon sí no konosé distansia.
‘Verlangen’ (Deseo) ta trata di efekto di e pasado di sklabitut awendia. Pa medio di narashon, kanto i aktuashon ta hiba e bishitante den e mundu di pensamentu i sintimentu di un hende ku a eksperensiá e doló di sklabitut i kiko esaki a i te ainda ta hasi kuné.
E aktuashon a originá for di propio trabou di Colastica, tradishon oral i literatura i ta trata e deseo pa ta liber, e deseo di ta igual i e deseo di tin mesun posibilidat materialístiko ku e hende blanku. Pasó katibu tambe tabatin soño, i e úniko kos ku e doñonan di katibu no por a kita for di dje tabata e soñonan aki. Den su presentashon, ademas di deseo, ta trata tambe konfiansa, honestidat, igualdat i ta igual.
Despues di e presentashon a sigui un diálogo ku prensa presente. E presentashon a laga un impreshon atras, a duna hopi kos pa pensa riba dje i a eksigí outo-reflekshon. I esaki ta e motibu pa kiko e departamento di komunikashon di RCN a skohe pa e presentashon aki. Duna mas informashon i komprenshon tokante e mundu di pensamentu i sintimentu di hende ku di un forma òf otro a keda marká pa e pasado di sklabitut. Pa usa e informashon aki pa bai den diálogo ku otro tokante pasado di sklabitut ku un mente habrí pa opinion i idea di otro.