iPhone 12: Radiashon ta pasa norma, no tin riesgo riba salú direktamente
Rijksinspectie Digitale Infrastructuur (RDI) a pidi informashon adishonal na Apple tokante e iPhone 12 komo komplementashon di e investigashon anterior realisá pa e supervisor Franses ANFR. Resultado di esaki ta mustra ku e radiashon emití durante uso di e iPhone 12 ta pasa e norma, pero tambe ku no tin riesgo agudo pa salú.
Pa e investigashon aki, RDI a analisá e dokumentunan tékniko di e iPhone 12 i e konklushonnan di e investigashon franses. Ta resultá for di esaki ku den algun kaso e aparato ta emití muchu radiashon durante uso. Apple ta bisa ku e radiashon ta baha ora e aparato detektá moveshon. Sinembargo, basá riba e análisis di e dokumentunan tékniko, no por konkluí ku e mekanismo aki ta funshoná bon práktika den tur sirkunstansia.
Anteriormente, e supervisor franses ANFR a duna Apple òrdu pa adaptá e aparato pa kumpli ku e eksigensianan aplikabel pa telefòn móbil. Apple a indiká ku e lo hasi esaki. Ora e adaptashonnan ta kla, supervisornan Oropeo lo evaluá kolektivamente si e iPhone 12 ta kumpli ku tur eksigensia. I tambe si mester tuma paso adishonal. Fransia lo tuma e inisiativa den esaki.