Studiantenan di Haagse Hogeschool ta bishitá Boneiru
Riba 26 di yanüari un grupo di 30 studiante di e estudionan Bestuurskunde, Veiligheidskunde, Rechten i European Studies di Haagse Hogeschool a hasi un bishita na Boneiru na entre otro Rijksdienst Caribisch Nederland i Representante di Reino suplente.
Representante di Reino suplente Jan Helmond i direktor di Rijksdienst Caribisch Nederland, Tim Muller, a risibí e grupo di studiante. Tópiko di diskushon tabata e relashon entre Hulanda i Hulanda Karibense i e organisashon di RCN. Despues e grupo a bishitá IND, kaminda mènedjer di e unidat Ingrid Sealy a duna e studiantenan un rekorido i despues a papia ku nan tokante di entre otro migrashon i e aserkamentu di e kadena pa atendé ku esaki. Na OCW e studiantenan tabatin un enkuentro ku hefe di unidat, Nina den Heyer, i nan a papia tokante dominio sosial. Tambe tabatin un bishita na Duana riba e programa.
E bishita di e studiantenan na Boneiru ta forma parti di e minor asuntunan di Reino (koninkrijkszaken) ku nan ta sigui den e di tres aña di nan estudio. Ku e biahe pa e parti Karibense di Reino aki nan ta klousurá e programa i asina sera konosí ku e práktika di kua tur e tempu nan a haña e parti teorétiko.
Ta e intenshon pa un kantidat di e studiantenan aki despues kore stazje na e islanan òf na un di e instansianan di Reino na Hulanda. Meta di e estudio ta pa prepará studiantenan riba un funshon den Relashonnan den Reino. E programa aki ta e úniko na Hulanda ku ta prepará studiante riba un funshon den Relashonnan den Reino.