Ingrid Sealy hefe di servisio nobo di ‘Shared Service Organisatie Caribisch Nederland’
Entrante promé di novèmber 2023 Ingrid Sealy ta bira e hefe di servisio di e ‘Shared Service Organisatie Caribisch Nederland’ (SSO-CN). SSO-CN ta kubri diferente parti di eksplotashon di empresa pa e organisashon di RCN, manera HR, Finansa, Kompra, Asuntunan Fasilitario, Komunikashon i ICT.
For di 2021 Ingrid ta mènedjer di unidat na e Servisio di Imigrashon i Naturalisashon Hulanda Karibense (IND-CN) na Boneiru i for di 2023 Gezaghèber Interino pa Boneiru.
Ingrid Sealy (42) a lanta na Boneiru. Na Hulanda el a studia Kriminologia na ‘Vrije Universiteit’. Amor a trese bek Boneiru kaminda e último 15 aña el a traha partikularmente den e área sosial. El a okupá diferente funshon di maneho, e.o. na Kuido pa Hubentut i ‘Gezinsvoogdij’ Hulanda Karibense, Entidat Públiko Boneiru i e konosé Saba i Sint Eustatius tambe.
Den su funshon mas resien, komo mènedjer di unidat di IND CN, el a focus riba trahamentu di manera enfoká riba kliente i refuerso di kolaborashon denter di e kadena di estranhero.
Ingrid: “Komo yu di tera mi ta hopi orguyoso pa ku e nombramentu aki. E añanan tras di lomba tantu riba e islanan di Hulanda Karibense komo na Hulanda mi a traha di manera plasentero ku koleganan pashoná i kompetente. Dor di semper tin bista pa nos diferensianan i loke ta trese nos na otro nos por yega na resultadonan bunita. E forsanan uní aki ta na fabor di e siudadano riba e islanan. E añanan benidero ku hopi energia lo mi sigui empeñá mi mes pa esaki.”
Direktor di RCN Tim Muller: “Nos konosé Ingrid komo e kolega ku wowo pa hende i pa su miembronan di tim, un persona ku ta dirigí riba resultado i ku semper ta buska e konekshon. E lo hasi falta na IND i e partnernan di kadena. Ku e bunita paso aki e ta dirigí su energia positivo for di un otro perspektiva riba e desaroyo kontinuo di RCN i SSO en partikular. E ta e persona korekto pa retonan eksistente. Mi ta felisit’é di kurason. Pronto lo inisiá e reklutashon pa un hefe di servisio nobo pa IND.”