Investigashon tokante relashon familiar i edukashon na Hulanda Karibense
Edukashon di mucha i kustumbernan den famianan tur kaminda ta diferente. Tur kaminda tin aspekto bunita i ménos bunita di edukashon i kon miembronan di famia ta anda ku otro. Esaki por ku hopi amor i atenshon, pero tambe ku pleitamentu òf violensia.
E programmadirectie (gerensia di programa) Kuido i Hubentut Hulanda Karibense di e Ministerio di Salubridat, Bienestar i Deporte (VWS) a entamá un investigashon pa haña sa kon adulto i hóben ta mira e aspektonan bunita i ménos bunita di edukashon i relashon (amoroso) na Boneiru, Saba i Sint Eustatius. Ta hasi uso di e resultadonan di e investigashon akí pa desaroyá maneho ku por sostené famianan na Boneiru, Saba i Sint Eustatius.
Komprendementu den eksperensia i mentalidat
E sosten for di gobièrnu riba tereno di edukashon i relashon familiar mester pas ku e nesesidat di e hendenan na Boneiru, Saba i Sint Eustatius. Pa e motibu akí ta importante pa haña mas komprendementu den e eksperensia i mentalidat di hóben i adulto relashoná ku relashonnan familiar i edukashon. E partisipashon di e habitantenan di Saba, Sint Eustatius i Boneiru na e investigashon ta sumamente nesesario. A base di e resultadonan di e investigashon ta duna konseho pa maneho i ehekushon.
Kuestionario
Un parti importante di e investigashon ta un kuestionario. Preguntanan den e enkuesta akí ta bai over kon hendenan na Hulanda Karibense ta opiná di edukashon i relashon familiar. E kuestionario ta disponibel na 4 idioma (hulandes, papiamentu, spañó i ingles) i lo presentá esaki riba e diferente medionan sosial di e islanan. Por haña e kuestionario via e www.familyresearch-CN.com
E investigashon
Ehekushon di e investigashon ta den man di Universidat di Leiden (Universiteit Leiden) den kolaborashon ku UNICEF-Nederland, i Universidat di Kòrsou (University of Curaçao). E pregunta sentral di e investigashon ta e opinion di hóbennan, mayornan i profeshonalnan tokante edukashon, violensia doméstiko i maltrato di mucha na Boneiru, Sint Eustatius i Saba. E investigadornan ta drenta den kombersashon na kada isla ku e Entidatnan PúbIiko i parternan lokal. Tambe lo bai entrevistá profeshonalnan, hóbennan i adultonan di e islanan i kombersashon ku gruponan lo bai tuma lugá. Mas aleu e investigashon ta konsistí di investigashon na ofisina, entrevista di profundidat, midimentu di punto zero kuantitativo i kombersashon ku gruponan. Banda di esaki tin pa kada isla un grupo di feedback ku ta duna reakshon tokante ehekushon di e investigashon. E ekspektativa ta ku e investigashon ta finalisá den hèrfst.
Si tin pregunta tokante e investigashon?
Hasi esaki libramente na Merel Griffith-Lendering, investigador mayor. Tel. +5999 6681983 òf via e-mail na merel.griffith@uoc.cw