Minister Hugo de Jonge ta bishitá Boneiru
Minister di Bibienda Sosial i Planifikashon di Teritorio, Hugo de Jonge, ta bishitá Boneiru di 28 di yüni te ku promé di yüli. Durante e bishitá di trabou, minister De Jonge lo hiba kombersashon ku Kolegio Ehekutivo i Konseho Insular tokante e futuro tarea di konstrukshon, sparmentu di energia i e programa di desaroyo teritorial pa Boneiru.
Algun di e temanan den e programa di desaroyo teritorial ta bibienda, maneho di kambio di klima, ambiente saludabel i protekshon di naturalesa i kultura.
E minister ta bishitá un sitio di konstrukshon den e bario Hato na unda ta konstruí bibienda pagabel di forma aselerá i e ta duna inisio na e maneho pa kombatí pobresa pa medio di energia na Boneiru. Ademas, huntu ku Kolegio Ehekutivo e ta anunsiá kon e tarea di konstrukshon di kas pagabel lo tuma lugá den e añanan benidero.
Riba promé di yüli, minister De Jonge ta asistí na dos konmemorashon tokante di e aña konmemorativo di pasado di sklabitut. E minister ta presente na e inougurashon di un monumento na Parke Nashonal Washington-Slagbaai.
Minister De Jonge lo bishitá Saba i Sint Eustatius mas lat e aña aki. Lamentablemente e bishita planiá na ámbos isla no por a sigui pa motibu di obligashonnan na Hulanda Oropeo.