Aspirante nobo ‘Algemeen Opsporingsambtenaar’ di KMar
Riba djamars 2 di aprel un klas nobo di 15 studiante ta kuminsá ku e estudio di ‘Algemeen Opsporingsambtenaar’ Hulanda Karibense. Ta promé biaha ku e estudio ta tuma lugá por parti na Hulanda i ta duna e otro parti den teritorio Karibense.
E 15 studiantenan ta kuminsá ku un bivak di introdukshon na Boneiru. Despues nan ta bai Hulanda pa 3 luna na Koning Willem III kazèrne na Apeldoorn na Hulanda. Despues nan ta finalisá e estudio na Boneiru. Si nan kumpli e estudio ku éksito, nan lo risibí nan diploma na final di yanüari 2025.
E studiantenan ta haña lès na Apeldoorn den e abilidatnan básiko di KMar i ta sertifiká nan den IBT. Pa motibu ku e leinan i práktika na Hulanda Karibense ta diferente for di esun di Hulanda, nan ta sigui e formashon pa e funshon na Boneiru. Aki nan ta haña e modulonan di Kontrol na frontera, tarea di polis, vigilansia i seguridat i nan ta hasi formashon práktiko profeshonal. Durante henter e trayekto, e studiantenan ta risibí un programa dirigí riba nan. Kontrali di marechausee na Hulanda e studiantenan aki ta keda empleado públiko di gobièrnu di Reino despues di nan estudio.
