Sra. Hassell nombrá komo gezaghèber interino di Sint Eustatius
Riba 10 di aprel Representante di Reino interino sr. Jan Helmond a nombra i huramentá señora Sharon Hassell komo gezaghèber interino di Sint Eustatius.
Sharon Christina Hassell (58), ta un yu di e isla. El a nase i krese na Sint Eustatius. For di 2022 e ta traha komo ‘Branch Manager’ na Maduro & Curiels Bank na Sint Eustatius. Promé ku esei e tabata ‘Branch Manager’ di Windward Island Bank Ltd na Sint Eustatius. Pa medio di su gran embolbimentu den komunidat e konosé e isla i tin bista di loke ta sosodé riba e isla.
Nombramentu
Representante di Reino interino Jan Helmond, despues di a konsultá ku Konseho Insular di e isla, a nombra Sra. Hassell komo gezaghèber interino, pa un periodo di 1 aña. E prosedura di huramentashon a tuma lugá na e ofisina di gezaghèber na Sint Eustatius. Komo gezaghèber interino Sra. Hassell, den ousensia di e gezaghèber sra. Alida Francis, lo drenta den funshon ku tur e kompetensianan legal ku ta pertenesé na e funshon di gezaghèber. Asina ta garantisá kontinuidat di funshon di e gezaghèber.
Representante di Reino interino Jan Helmond a ekspresá su konfiansa ku e palabranan: “Ku sra. Hassell, Statia tin un gezaghèber interino enbolbí. Mi ta mira dilanti riba un bon kolaborashon.”
