Konferensia di trabou di SEA pa stimulá éksito den estudio di studiante Karibense
E di dos konferensia di trabou di SEA a tuma lugá awe i ayera na Kòrsou, unda tur isla di Karibe i Hulanda a partisipá. SEA, òf Aliansa Edukashonal Stratégiko, tin komo meta primario stimulá éksito den estudio i chèns igual pa studiante karibense. Ademas, a presta atenshon tambe na e prioridatnan di e proyekto SEA.
Durante di e konferensia, a tene vários pènel i seshon di trabou ku meta pa stimulá éksito akadémiko di studiantenan karibense. E enfoke tabata riba un mehorashon di transishon di skol sekundario i MBO/SBO riba e tres puntonan di atenshon di SEA, manera fasilitashon di mobilidat pa studiante den Reino, un mihó preparashon pa studiante ku ta deseá di kuminsá ku un estudio superior, i investigando un mihó konekshon entre edukashon i e merkado laboral.
Tantu skolnan sekundario komo skolnan di mbo/sbo di Karibe a partisipá, banda di algun instituto di edukashon hulandes. Ademas, studiantenan for di henter Reino a partisipá aktivamente den e konferensia di trabou i tabatin kontribushon balioso na e diskushonnan i aktividatnan di SEA.
E konferensia di trabou di SEA tin komo meta pa krea un plataforma pa kompartí konosementu, eksperensia i ‘best practices’. E meta final ta pa fortifiká edukashon i oumentá oportunidatnan pa tur studiante karibense.
