Minister Schouten ta bishitá Saba i Sint Eustatius
Minister pa Maneho di Pobresa, Partisipashon i Penshun, Carola Schouten, ta hiba un bishita di trabou na Saba i Sint Eustatius for di 22 te ku 26 di aprel.
Minister Schouten ta yega Saba riba djaluna 22 di aprel. Riba djárason anochi e ta sigui su biahe pa Sint Eustatius. Riba tur dos isla e minister ta bai den diálogo ku e kolegio ehekutivo, konseho insular, entidat públiko i e unidat SZW di RCN. Temanan importante ta akohida di mucha i e oumento di e suèldu mínimo.
Ademas e ta bishita diferente organisashon sosial riba e islanan, entre otro organisashon di akohida di mucha, lugá di trabou sosial i organisashon boluntario. Aki e ta bai den kombersashon tokante kalidat i finansiamentu di akohida di mucha, e importansia di boluntario pa komunidat, trabou adekuá pa tur hende i e desafionan sosial pa e hubentut.