Kasi 300 lei vigente na Hulanda Karibense
Pa abitante na Boneiru, Sint Eustatius i Saba hopi biaha no ta kla kua legislashon ta vigente riba e islanan. Eks miembro di parlamento Jorien Wuite (D66) den un moshon adoptá, a pidi gobièrnu pa traha un resúmen total di tur legislashon ku ta vigente na e momentunan akí na Hulanda Karibense.
Ministerio di BZK, den kolaborashon ku otro departamentunan a traha un resúmen. A manda e dokumento ku e resúmen kompletu ku kasi 300 lei pa Tweede Kamer, huntu ku e resúmen legislativo di kada seis luna, ku en prinsipio e legislashon ku tin mas prioridat pa Hulanda Karibense. E resúmen legislativo periódiko su meta ta partikularmente pa pone Hulanda Karibense na altura kua lei i regulashon ta realisá riba término kòrtiku i mediano.
Den e moshon tin tambe ku mester informá abitante di Hulanda Karibense tokante e leinan ku na e momentunan akí ta vigente. Informashon tokante e leinan:
• ‘Infographic’ ku un bista general di tópikonan legislativo ku ehèmpelnan;
• Bista total ku tur lei;
• https://wetten.overheid.nl/ aki tin tur e tekstonan di lei.
Akí tin tur dokumento parlamentario tokante e tópiko akí. https://www.tweedekamer.nl/kamerstukken/brieven_regering/detail?id=2024Z07524&did=2024D17306
A embolbí Entidat públiko Boneiru, Sint Eustatius i Saba mas tantu i mas trempan den e preparashon di maneho i legislashon. E resúmen legislativo periódiko tambe ta forma parti di e proseso aki.