Proposishon di lei pa modernisashon siguridat sosial na Hulanda Karibense
Ku bista riba e aspirashon pa igualdat i oumento di seguridat di eksistensia un modernisashon di e sistema di siguridat sosial na Hulanda Karibense ta nesesario. Ku e punto di salida ei e gabinete a manda un proposishon di lei pa Tweede Kamer awe. Habitantenan, Diálogonan Sentral i Entidatnan Públiko ya kaba a reakshoná riba e plannan.
Diferente kambio den lei i reglamentu na Hulanda Karibense ta nesesario pa modernisá e sistema di siguridat sosial i e areglo di verlof na Hulanda Karibense i oumentá seguridat di eksistensia. Tur kambio ku ta proponé awor ta kombiná den e Wijzigingswet SZW-wetten BES (Lei di Kambio di Leinan SZW BES).
Ku e proposishon di lei entre otro ta aspirá pa por kombiná labor i kuido mihó. P’esei e proposishon di lei ta proveé den un ampliashon di e areglonan di ferlòf pa empleado ku entre otro ferlòf di kalamidat, ferlòf kòrtiku di kuido i ferlòf di partner ora di nasementu di un yu. Tambe ta kambia e kantidat di dia di vakashon legalmente obligatorio den ora pa asina por tuma nan mas fásil pa por ehèmpel e kuido di yu. Banda di esaki empresario independiente ku ta na estado meskos ku na Hulanda Oropeo ta haña un benefisio durante nan ferlòf di embaraso i di maternidat. I e kompensashon pa yu dòbel pa mayor ku yu ku un nesesidat di kuido adishonal lo regla strukturalmente den e proposishon di lei.
Ku e proposishon di lei tambe ta amplia e reglanan pa inkapasidat laboral di moda ku ta bini mas atenshon pa reintegrashon. Den e kuadro aki a inkorporá 3 dia di espera den kaso di seguro di malesa i seguro di aksidente (ZV i OV) i un deber di aktivashon den kaso di enfermedat di empleado. Tantu dunadó di trabou komo empleado ta obligá pa koperá na un eventual trayekto di reintegrashon.
Finalmente ta mengua e asina yamá ‘duurtetoeslag’ (sèn èkstra por motibu ku gastu di bida ta mas karu) pa hende ku derecho riba AOV na Saba i Sint Eustatius awor ku a subi e sumanan di AOV hopi i ku ta subi mas entrante promé di yüli 2024. E nòmber di e lei algemene weduwen en wezenverzekering BES (Lei Seguro di huérfano i viuda BES) lo kambia pa Algemene nabestaandenwet BES (Lei general di pariente di defuntu BES).
Si Tweede Kamer i despues Eerste Kamer aprobá e proposishon di lei e aña aki, lo introdusí e legislashon den fase for di yanüari 2025. Otro medida manera un previshon di desempleo pa Hulanda Karibense, lo haña forma mas aleu den e temporada benidero.