Bomberonan nobo promové pa e rango di Manschap A
Victor Santos, Gershon Herrera i Ricky Santos di Kuerpo di bombero Hulanda Karibense (BKCN) – establesé na Sint Eustatius - a promové pa e rango di Manschap A. Ku e rango aki nan tin konosementu di tur abilidat básiko di e profeshon vèrsá di bombero i awor nan por partisipá na operashonnan di brantwer.
Di entrenamentu i formashon te Manschap A
E entrenamentu di Manschap A ta intensivo i ta prepará bombero maskulino i femenino pa e trabou real. Nan ta siña tur loke nan mester sa riba e tereno di kombatimentu di kandela, yudansa tékniko i supstansia peligroso pa kandela. Tambe nan ta siña kon pa aktua den situashon krítiko i traha den un tim. Ademas, nan ta hasi hopi ehersisio durante di e entrenamentu. Victor, Gershon i Ricky a pasa e kurso ku éksito i a risibí nan strepi.
Entrega di strepi
E Komandante Lokal Interino Marvin Dollison i e lider di plug i Komandante Wayne Maharaj ku orguyo a pega nan strepi i entregá nan e diploma. Na e seremonia festivo aki famia i kolega di brantwer tabata presente. BKCN ta felisitá Victor, Gerson i Ricky ku nan promoshon.