Detektor di huma ta salba bida
Djadumingu 21 di yanüari tabatin un notifikashon di un kas na kandela den e bario Kibrahacha den Antriol. Brantwer a akudí na e sitio pa prevení ku e kandela ta ekspandé. Den korto tempu brantwer tabatin e situashon bou di kontrol. Lamentablemente e bibienda a sufri daño pa motibu di huma i awa. Entidat Públiko Boneiru a regla un lugá di hospedá temporal pa e abitantenan. Afortunadamente e abitantenan mes no a risibí herida. Esaki por a resultá otro tambe.
Prevení kandela den kas? Wak kiko bo mes por hasi na prevenshon
Bo mes tambe por tuma medida pa prevení kandela. Por ehèmpel, usa un detektor di huma. Detektor di huma ta salba bida. Ora di kandela, mayoria ta bira víktima pa motibu ku ta inhalá huma. Ora bo ta drumí i tin un kandela den kas, e holó di huma no ta lanta bo for di soño. Komo ku e huma ta kontené hopi gas tóksiko, e ta pone ku bo por pèrdè konosementu. Detektor di huma ta bati alarma ora e detektá huma. Hopi biaha, esaki ta tuma lugá promé ku bo mes por mira òf hole e huma, tambe ora bo ta lantá. Dor ku e detektor di huma ta bati alarma, bo por hui na tempu. Mas rápido detektá un kandela, mas tempu i chèns bo tin pa bandoná bo kas seif. Wak riba rijksdienstcn.com kiko mas bo por hasi tokante prevenshon.