Seis partisipante sertifiká pa Hospitality Instructor Course
Resientemente a sertifiká seis partisipante pa e Hospitality Instructor Course CHI (Kurso Instruktor Horeka). E kurso aki ta parti di e proyekto di OCW pa formashon di personal trahando den horeka. E kurso ku nan a kaba di kompletá lo hasi posibel pa e instruktornan inisiá e siguiente fase di e programa di treinen ‘Hospitality Skills Certification START’ ku lo ranka sali den e promé kuartal di 2024. Meta di e programa ta pa fortalesé e industria di horeka di Saba i Sint Eustatius, i ta un koperashon entre e islanan, NIPA, i e Ministerio di Enseñansa, Kultura i Siensia. Ademas, NIPA ta traha huntu ku e American Hotel and Lodging Association Educational Institute (AHLEI, Instituto di Enseñansa di e Asosiashon Merikano di Hotèl i Alohamentu) renombrá.. Trahadónan den e sektor di horeka ku sigui e training por perfekshoná nan abilidatnan i ta risibí un sertifikado rekonosé internashonalmente na momentu ku finalisá e treinen.
“Apesar di e retonan pa manehá kompromisonan fultaim, sigui atendé lès konstantemente, mantené e rumbo, i prosesá e kantidat enorme di informashon nobo, e partisipantenan a kompletá e eksámennan riguroso pa bira instruktornan sertifiká di Horeka AHLEI. E logro aki ta demostrá nan kompromiso i resistensia, ku lo tradusí den guia eksepshonal pa futuro studiantenan durante e treinen NIPA/OCW-CG Hospitality Initiative Workforce training (NIPA/OCW-CG Inisiativa pa entrenamentu di e Forsa Laboral di Horeka). Nan kontribushon lo hunga un ròl fundamental den ekspanshon di enseñansa di horeka tantu na Saba komo na Sint Eustatius”, Sra. Anenda Zaandam, AHLEI CHE Master Trainer i Project Lead Facilitator (AHLEI CHE Entrenadó Prinsipal i Lider Fasilitadó di Proyekto) a bisa.
E programa di treinen ‘Hospitality Skills Certification START’ ta konsisti di shete kurso. Por inskribi pa e programa aki te ku 8 di mart. Pa mas infomashon por wak riba www.nipa.sx.