Sra. Alida Francis ta bira Gezaghèber di Sint Eustatius
Sra. M.A.U. (Alida) Francis ta bira gezaghèber di Sint Eustatius. Sekretario di estado Alexandra van Huffelen di Relashonnan den Reino i Digitalisashon a propon’é pa nombramentu den Konseho di Minister.
Alida Francis (58) a nase na Sint Eustatius i for di febrüari 2021 ta Komisario di Gobièrnu di Sint Eustatius i na 2020 e tabata Komisario di Gobièrnu remplasante. Promé ku tur esaki e tabata traha entre otro komo konsehero di komunikashon senior i bosero na Rijksdienst Caribisch Nederland i tabata direktor di Turismo di e teritorio insular di Sint Eustatius. Sra. Francis a studia periodismo na Skol di periodismo na Tilburg.
E nombramentu ta drenta na vigor riba e fecha ku e Dekreto Real fase 3.0 di e ‘Wet herstel voorzieningen Sint Eustatius’ drenta na vigor. Riba e mesun dia aki e intervenshon atministrativo na Sint Eustatius ta terminá. Esaki ta nifiká fin di e término di e Komisario di Gobièrnu (remplasante) tambe. Nombramentu di e gezaghèber ta marka e regreso definitivo di e demokrasia riba e isla desde e momentu di e intervenshon na 2018. Esaki ta nifiká ku for di e momentu ei Sint Eustatius mes ta responsabel pa e ehekushon di e tareanan atministrativo. Ademas, e Representante di Reino interino lo tin algun mandato adishonal te na momentu ku e lei kaduká entrante promé di sèptèmber 2024.