CBP BES ta anunsiá ku lo publiká rapòrt di investigashon den OLB debí na e falta di siguí rekomendashonnan
Komishon Supervishon di Protekshon di Dato Personal BES (Commissie Toezicht Bescherming Persoonsgegevens BES) ta anunsiá ku nan lo publiká un rapòrt di investigashon tokante Entidat Públiko Bonaire (OLB) pa falta di siguimentu di rekomendashonnan.
Na mart 2023, CBP BES a realisá un kòntròl na OLB pa evaluá implementashon di e maneho di mesa limpi i skrin limpi, komo parti di e maneho 'Rumbo pa konsientisashon di seguridat di informashon'. E rapòrt a indiká ku no a implementá e maneho sufisientemente i ku e protekshon di datonan personal den organisashon di OLB no ta sufisientemente adekuá.
OLB tabatin dos “deadline” importante pa implementá e rekomendashonnan den nan proseso: 1 di òktober 2023 i 1 di mart 2024. Despues di e “deadline’ di 1 di mart 2024, CBP BES a manda preguntanan por eskrito pa OLB tokante e akshonnan tumá, pero OLB a neglishá pa kontestá promé ku e “deadline” di 22 di aprel 2024.
No opstante e akuerdo entre CBP BES i OLB tokante e siguimentu i implementashon di e rekomendashonnan, CBP BES a konstatá ku OLB no a kumpli ku e akuerdonan aki.
CBP BES ta enfatisá ku OLB mester tuma su obligashon i reglanan vigente pa ku protekshon di derechinan fundamental di e habitantenan di Boneiru na serio. A konsekuensia di esaki, CBP BES aktualmente ta investigá e posibilidatnan di su maneho, inkluso uso di su outoridat pa duna sanshon.
Lo publiká e rapòrt riba e wèpsait di CBP BES, www.cbpbes.com, i lo ta disponibel pa ’download’ na mes momentu ku e komunikado di prensa aki.