SDKK riba stazje di orientashon na JICN pa Programa di Twinning
Un Programa di Twinning úniko a kuminsá 13 di mei na JICN. Koleganan di Sentro di Detenshon i Korekshon Kòrsou (SDKK) lo partisipá na un stazje di orientashon durante 14 dia na JICN na Boneiru komo parti di e programa aki.
Durante di e stazje di orientashon aki, kolega di diferente disiplina di SDKK lo tin e oportunidat pa wak i eksperensia den JICN. Nan lo enfoká espesífikamente riba kon nos ta implementá nos trayekto di detenshon i re-integrashon i kon nos ta krea nos instrukshonnan di trabou tokante trato ku kliente.
Ta di gran importansia pa interkambiá eksperensia i konosementu i e Programa Twinning aki ta ofresé e oportunidat ideal pa esei. Dor di kolaborashon i siña di otro, nos ta buska pa enrikesimentu di nos organisashonnan i un fortifikashon di e laso entre nos.
E grupo di kolega ta inkluí hefe di departamento, lider di tim, guia di aktividat, wardadó di prezu i funshonario di seguridat. Nos ta spera un kolaborashon balioso i produktivo i nos ta konvensí ku e Programa Twinning aki lo kontribuí na fortifikashon di nos relashon di trabou komo partner.