Konsulta riba internèt: kompensashon pa yu dòbel pa kuido intensivo na Hulanda Karibense tambe
Na Hulanda Karibense tambe mayornan ku tin yu ku tin un nesesidat grandi di kuido lo por bai risibi dòbel di e kompensashon pa yu. Minister Schouten pa Maneho di Pobresa, Partisipashon i Penshun ta kuminsá awe un konsulta riba internèt di e regulashon ku ta bai sigui elaborá esaki.
Na Hulanda Oropeo ya e regulashon aki ta eksistí pa basta tempu. E regulashon ta duna mayornan ku yu ku tin un nesesidat grandi di kuido, por ehèmpel pa motibu di un desabilidat òf malesa, un kompensashon adishonal den e gastunan di e kuido intensivo aki.
Ta pronostiká ku e regulashon lo por drenta na vigor riba promé di yüli 2025. Pa sostené mayornan ku ta bini na remarke den e periodo te na e implementashon, gobièrnu ta bai paga un montante pa un solo biaha di USD 3.879,31. Esaki a sosodé dos biaha anteriormente, na 2022 i 2023. E areglo aki ta bai den konsulta riba internèt na mes momentu. Na un momentu mas despues ta disidí ki dia mayornan ta risibí e montante pa un solo biaha.
E konsultanan riba internèt ta habrí di 31 di mei te ku 28 di yüni 2024:
Konsulta riba internèt: kompensashon pa yu dòbel pa kuido intensivo