Investigashon di posibel pèrdida di informashon (datalek) serka e atministrashon básiko di Registro Sivil Boneiru
Komishon Supervishon di Protekshon di Dato Personal BES (Commissie toezicht bescherming persoonsgegevens BES) ta kontrolá kumplimentu ku lei di privasidat na Hulanda Karibense. Resientemente CBP a risibí un notifikashon i awor ta bai hasi un investigashon riba esaki.
CBP BES a risibí un notifikashon for di Kolegio Ehekutivo tokante posibel iregularidat relashoná ku atministrashon básiko na Registro Sivil Boneiru (Burgerzaken). A base di e Lei di atministrashon básiko di dato personal BES, CBP BES ta esun apuntá komo supervisor pa sòru pa kumplimentu ku e lei aki.
Dentro di loke su ròl ta permití, CBP BES lo bai investigá e notifikashon aki. Investigashon tin ku determiná kiko eksaktamente a tuma lugá. Asina ku terminá e investigashon, lo kompartí e rapòrt ku e organisashonnan enbolbí i despues lo publiká e konklushon- i rekomendashonnan.
Ademas di e investigashon, CBP BES ta promové konsiensia pa evitá pèrdida di informashon. Ku esaki e enfoke awor ta riba kiko e organisashonnan mes por hasi pa kumpli ku e leinan riba tereno di protekshon di dato personal.
Pa mas informashon tokante di lei i e tareanan di CBP BES por bishita e wèpsait: www.cbpbes.com.