VWS ta sera kontrato temporal ku Medicair pa buelo di ambulans entre Hulanda Karibense, Kòrsou i Aruba
E Ministerio di Salubridat Públiko, Bienestar i Deporte (VWS) a tuma nota di e problemanan i preokupashon kresiente pa e buelonan di kódigo kòrá (‘air ambulance’) na Hulanda Karibense. VWS, den konsulta ku Fundashon Mariadal (FM), a hasi e siguiente provishonnan.
Pa garantisá konekshon di ‘air ambulance’ entre e islanan di Hulanda Karibense, Kòrsou i Aruba, VWS a sera un kontrato ku Medicair (pa awor aki 2 luna). Ku esaki VWS ta asumí temporalmente e responsabilidat kontraktual pa e disponibilidat di un ‘air ambulance’ pa e aseguradonan di Hulanda Karibense ku tin ku bai direkshon di Kòrsou i Aruba, ku ta disponibel 24/7. FM lo pone personal médiko disponibel pa e buelonan di kódigo kòrá ku Medicair. Entretantu e ‘Learjet’ di Medicair ta stashoná na Boneiru. Sarpa lo sigui hasi buelo di ambulans pa Colombia.
Pa sali for di e impase aktual, VWS a disidí pa riba término kòrtiku hasi un investigashon di e problemanan ku a surgi i pa yega na un solushon duradero pa buelo di ambulans entre Kòrsou, Aruba, Sint Maarten i Hulanda Karibense.