Kuerpo di bombero di Sint Eustatius i Saba ta intensifiká nan kolaborashon i preparashon operashonal
Resientemente e kuerpo di bombero di Saba i Sint Eustatius a sigui fortifiká nan kolaborashon pa medio di un interkambio intensivo di ekipo. Durante e periodo aki, tur dos tim a trein banda di otro den senarionan realístiko, inkluyendo kombatimentu di kandela di avion (VBB) i asistensia tékniko (THV). E ehersisionan konhunto aki no solamente a mehorá kolaborashon, pero tambe a duna tur dos tim bista mas profundo riba e práktikanan i retonan operashonal di otro.
Un parti krusial di e interkambio tabata partisipashon na e tèst anual di Eksaminashon Médiko Preventivo Periódiko (PPMO), ku ta garantisá e preparashon físiko di e bomberonan. Di e manera aki nan ta keda optimalmente prepará pa ehekutá nan tareanan esensial na un manera sigur i efektivo.
Pa medio di e esfuerso konhunto aki, e kuerpo di bombero ta oumentá nan preparashon i efektividat pa aktua lihé i efisiente riba situashonnan di emergensia. Esaki no solamente ta fortifiká lasonan interno, pero tambe ta kontribuí direktamente na seguridat di e komunidatnan riba ámbos isla.
