Dia kontra Trafikashon di hende – Stòp e Eksplotashon

Kontrabanda di hende tambe ta un problema grandi. Kontrabandistanan ta trese migrantenan otro banda di frontera ilegalmente kontra gastunan haltu, hopi biaha bou di sirkunstansianan peligroso. Den nan pais nobo, hopi biaha e hendenan aki ta bolbe bira víktima di eksplotashon.

Pa hasi hende mas konsiente, dia18 di òktober lo organisá aktividat na tur tres isla. Trafikashon di hende ta tuma lugá tur kaminda, na Hulanda Karibense tambe. P’esei ta importante pa sa kon nos por rekonosé trafikashon di hende.

Paga tinu riba e señalnan
Ta krusial pa rekonosé trafikashon di hende. Paga tinu riba e señalnan aki:

• Persona ta traha i biba (drumi na lugá di trabou;
• Grupo di persona ku ta biba huntu na e mes un lokalidat i ta paga preis di hür hopi haltu;
• Persona tin dia di trabou hopi largu, tambe den wikènt (no tin dia liber/ no tin fakansi;
• Ta hiba persona den grupo na nan lugá di trabou;
• Persona obligá pa hasi aktividat kriminal òf prostitushon;
• Persona no tin su pasport den su poder.

Kiko ta pasa dia 18 di òktober?
Riba e ‘Dia kontra Trafikashon di hende’, riba tur e islanan bo por partisipá den dos aktividat ku ta yuda pa komprondé trafikashon di hende mihó i pa rekonos’é:

Eksperensia VR trafikashon di hende
Bishitante por eksperensiá ku un brel di VR (Virtual Reality-experience, eksperensia Real Virtual) kon e ta pa ta víktima di trafikashon di hende. Esaki ta mustra kon serio e krímen aki ta.
Video tokante trafikashon di hende
Durante henter e dia lo mustra dos video bou di e título “Habri bo Wowo”. E promé video ta mustra e krusada peligroso di Venezuela pa Aruba. E di dos video ta tokante abuzu seksual.

Tambe lo tin ekspertonan presente pa kontestá pregunta i duna informashon tokante trafikashon di hende i kontrabanda di hende na Hulanda Karibense.

Lokalidat i ora
Sint Eustatius: 16 di òktober, Sala den biblioteka, Oranjestad – di 10 or di mainta pa 4 or di atardi
Saba: 18 di òktober, Sala di reunión edifisio RCN, The Bottom – di 10 or di mainta pa 4 or di atardi
Bonaire: 18 di òktober, Jong Bonaire, Kralendijk – di 10 or di mainta pa 4 or di atardi

Para ketu, hasi notifikashon i hasi un diferensia!
Imaginá bo ku abo ta den sapatu di e víktima. Sin libertat, menasá, abuzá, i niun hende ku ta yuda. E víktimanan aki no tin bos, pero abo sí. Bo wowo i bo akshon por kambia nan bida. Bo ta mira señalnan di trafikashon di hende? No duda, hasi notifikashon! Huntu nos por stòp trafikashon di hende i libra nan for di nan nagmèri.

Hasi notifikashon di trafikashon di hende
Notifikashon di trafikashon di hende por salba bida. Hasi notifikashon, tambe ora bo tin duda. Dor di ta alerta bo por yuda e víktima ku ta pegá den e situashonnan aki. Ta mihó pa komuniká bo sospecho ku keda ketu. Bo por hasi notifikashon di trafikashon di hende serka Kuerpo Polisial Hulanda Karibense (KPCN) via e siguiente kanalnan:

• Number di asistensia urgente: 911
• Liña di tep anónimo: 9310

Nos ta hasi un yamada riba tur hende pa ta alerta i hasi notifikashon di situashon sospechoso. Huntu nos por stòp trafikashon di hende i yuda víktima.

Semper hasi notifikashon di sospecho di trafikashon di hende. Bo duda por ta un persona su oportunidat!