Representante di Reino suplente den kombersashon ku OLB tokante rapòrt di ILT
Riba 21 di òktober Representante di Reino suplente a risibí e rapòrt di inspekshon ‘Vergunningverlening, toezicht en handhaving bij Selibon Lagun’ for di Inspekshon di ambiente di bida i transporte (Inspectie Leefomgeving en Transport - ILT).
ILT ta konstatá ku ta trata aki di un situashon preokupante, kompliká i urgente. Ku esaki ILT a tene kuenta ku tin señalnan kla relashoná ku riesgonan pa e medioambiente. Ademas, ILT ta mustra riba riesgonan pa salubridat públiko i pa e flora i founa den bisindario di e lèntfel i e sentro pa depositá shushi.
Den kuadro atministrativo di tende i skucha e otro banda di medaya, un kombersashon entre Representante di Reino suplente i Kolegio Ehekutivo di entidat públiko Boneiru (OLB) a tuma lugá riba djamars 22 di òktober, pa deliberá tokante di e konklushon- i rekomendashonnan di ILT. Seguidamente, riba 23 di òktober e Representante di Reino suplente por eskrito a pidi OLB pa reakshoná riba e rapòrt di inspekshon promé ku promé di novèmber. E Representante di Reino suplente a base di entre otro e konklushonnan di ILT i e reakshon di Kolegio Ehekutivo ta tuma un desishon tokante e proseso ku lo sigui. Ta spera ku esaki lo bai ta den e siman di 11 di novèmber.