Plenchi di Trabou ta ofresé supsidio pa gastu di salario na kompania di formashon rekonosé na Boneiru
Tur kompania di formashon rekonosé ku un studiante BBL trahando i siguiendo un estudio den e sektornan ‘konstrukshon’, ‘horeka’, ‘téknika’ òf ‘bèrdè’ por registrá pa e supsidio gastu di salario. Lo paga e supsidio te ku un máksimo di 50% di e suèldu mínimo ku forsa retroaktivo te ún aña. E meta di e trayekto aki ta e.o. pa stimulá kompanianan pa traha ku studiante lokal i prepará nan riba merkado laboral.
Komo kompania ta posibel pa bini na remarke pa e supsidio gastu di salario pa e beroepsbegeleidende leerweg (BBL). Bo ta den e sektornan ‘konstrukshon’, ‘horeka’, ‘téknika’ òf ‘bèrdè’ i bo tin un studiante di BBL den servisio di bo organisashon. E studiante BBL mester haña guia serka un maestro rekonosé pa ROA ku ta den servisio di bo organisashon. E areglo aki tambe ta konta pa studiante/empleado ku ya tin mas tempu den servisio di bo organisashon.
Kon bo ta bini na remarke komo kompania?
Bo ta un kompania di formashon rekonosé, ku un maestro sertifiká? I bo tin un studiante BBL den servisio ku ta sigui un estudio den e sektor di konstrukshon, horeka, téknika, òf bèrdè?
Bo por registrá pa e supsidio dor di, manda un meil pa mas tardá dia 31 di òktober na info@plenchiditrabou.com ku e siguiente informashon:
- Un formulario di registrashon yená. (Bo por pidi e formulario via meil òf tum’é na Plenchi di Trabou).
- Un “sideletter”( Bo por hasi petishon pa e dokumento tantu personal komo via i-meil òf telefon).
- Kopia di statuto òf ekstrakto Kámara di Komèrsio (no mas bieu ku 6 luna).
Kontakt Plenchi di Trabou
Tantu dunadó di trabou komo buskadó di trabou por akudí na Plenchi di Trabou na Kaya L. D. Gerharts 12. E sentro di trabou ta habrí tur dia di trabou entre 08.00or i 12.00or i 13.00or i 17.00or. Esnan ku ta interesá por kana drenta òf traha un sita via info@plenchiditrabou.com òf (599) 715-8346. Via www.plenchiditrabou.com dunadó di trabou por pone un vakatura i buskadó di trabou por registrá pa mediashon.