John Soliano huramentá komo gezaghèber di Boneiru
Riba proposishon di Sekretario di estado di Relashonnan den Reino i Digitalisashon a nombra John Soliano entrante promé di ougùstùs 2024 komo gezaghèber di entidat públiko Boneiru.
Representante di Reino interino Jan Helmond a hurament’é riba 3 di ougùstùs durante un seremonia den Konseho Insular, den presensia di invitado i famia.
Representante di Reino Jan Helmond a duna di konosé durante e seremonia di huramentu ku e ta spera un bon kolaborashon ku e gezaghèber nobo i a deseá e gezaghèber nobo “hopi sabiduria, pasenshi, humor i mas ku tur un bon salú pa ehersé e tarea pisá akí ku energia.”
Despues tabatin oportunidat pa abitantenan di Boneiru felisitá e gezaghèber nobo.
