Deklarashon di intenshon tokante aplikashon di sanshon na Hulanda Karibense ku ta kambiando: Pa un re-integrashon mas efektivo

Representantenan di Entidat públiko di Boneiru, sosionan den kadena di derecho penal i organisashonnan di ehekushon ku ta aktivo riba tereno di re-integrashon i resosialisashon a firma e deklarashon di intenshon. E kolaborashon aki ta dirigí riba reforsá e kolaborashon entre diferente sosio den e kadena, Entidat públiko i organisashonnan di ehekushon ku meta pa optimalisá re-integrashon di detenidonan.

Benefisionan di e aplikashon di sanshon ku ta kambiando:

1.         Máksimo efektividat pa re-integrashon
            Dor di un enfoke mas integrá kaminda ta prepará detenido pa su regreso den
            sosiedat, e chèns riba un re-integrashon eksitoso ta bira  konsiderablemente
            grandi. Esaki ta inkluí entrenamentunan dirigí, intervenshonnan i sosten pa krea un
            “netwerk” sosial.
2.         Redukshon di residivismo
            Un aspekto importante di e aplikashon di sanshon nobo ta e investigashon  
            intensivo na kousanan di residivismo i e implementashon di medidanan pa
            redusí esaki. Ku ayudo di supervishon elektroniko i guia dirigí, ta redusí e
            riesgo pa residivismo signifikantemente.
3.         Atenshon personalisá den guia
            E manera nobo di implementá sanshon ta pone énfasis riba atenshon  
            personalisá den guia di detenido, di kual ta tene kuenta ku su sirkunstansia
            personal, rísikonan i nesesidat. Esaki ta trese un sosten mas efektivo i mihó 
            oportunidatnan pa un re-integrashon eksitoso.
4.         Mihó interkambio di informashon
            Mehorashon di e suministro di informashon i sòru pa informashon importante
            kompañá e detenido durante di su trayekto, e partnernan den e kadena por
            kolaborá mihó i reakshoná adekuadamente riba nesesidat di e detenidonan.
5.         Fortifikashon di sosten sosial
            Pa pone mas énfasis riba komunikashon i oumentá komprenshon den
            comunidat tokante e proseso di re-integrashon, e sosten sosial pa kambio 
            den implementashon di sanshon ta bira fuerte. Esaki ta kontribuí na un ambiente mas
            sigur pa e detenidonan i mas komprenshon for di komunidat.

Kolaborashon dirigí riba futuro
Firmamentu di e deklarashon di intenshon, no solamente ta marka un punto importante den kolaborashon entre e instansianan enbolbí, sino tambe un fase nobo den e aserkamentu di re-integrashon na Hulanda Karibense. Dor di traha huntu riba aplikashon mas efektibo di sanshon i re-integrashon, e meta ta pa logra un komunidat den kua detenidonan tin mihó oportunidatnan i por kontribuí na un komunidat mas sigur.