CBS ta start ku investigashon di forsa laboral na Boneiru, Sint-Eustatius i Saba
Entre sèptèmber 2024 i desèmber 2024 Ofisina Sentral di Estadístika (CBS) lo ehekutá e investigashon di forsa laboral (AKO) na Boneiru, Sint-Eustatius i Saba. Durante e investigashon aki un entrevistadó di CBS lo pasa pa hasi tur persona ku a kai den e selekshon, algun pregunta tokante di e enkuesta.
E investigashon di forsa laboral ta un investigashon a-selekto bou di kasnan di famia ku CBS ta hasi kada dos aña. Ku e investigashon CBS ta midi e desaroyonan riba merkado laboral riba Hulanda Karibense. Un di e resultadonan di AKO di mas importante ta e porsentahe di desempleo. E porsentahe aki ta indiká ki parti di e poblashon aktivo ta buskando trabou. Otro datonan importante ta e partisipashon laboral, i tambe por ehèmpel e nivel di estudio, trabou i durashon di trabou.
Pa un mihó bista di datonan di merkado laboral, CBS ta pidi koperashon di tur kas di famia ku a kai den e selekshon. Na Boneiru CBS lo aserká 1126 kas di famia, na Sint-Eustatius 538 i na Saba 545.
Pa lei, CBS tin e obligashon di trata tur dato rekolektá na un manera estriktamente konfidensial. Esaki ta un obligashon di CBS ku ta stipulá den lei. Pa e motibu aki, CBS ta tuma diferente medida pa protehá datonan kolektá. E mes un lei ta konta pa e entrevistadónan tambe. Tur entrevistadó tin e deber di por legitimá su mes na momentu ku e presentá na e persona. Ya asina tur hende por ta sigur ku ta trata di un respresentante di CBS.
Pa mas informashon i pregunta por tuma kontakto ku CBS na number di telefòn +599 717 8676. CBS ta alkansabel di djaluna te ku djabièrnè entre 8or i 5or. Tambe ta posibel pa manda un imeil na caribischnederland@cbs.nl.
Mas informashon tokante AKO ta disponibel riba e página www.cbs.nl/arbeidskrachten.