BKCN: un kambio di aña trankil i ménos insidente na 2023
Kambio di aña a bai trankil pa Kuerpo di Bombero Hulanda Karibense (BKCN, Brandweerkorps Caribisch Nederland). Brantwer no tabatin nodi di sali pa asistensia. Na 2023 brantwer en todo kaso a sali ménos pa insidente ku na 2022. Na total brantwer a sali 189 bia. Di kua 133 bia na Boneiru, 11 bia na Saba i 45 bia na Sint Eustatius. Den mayoria di kaso tabata trata di kandela pafó. Na 2022 tabatin un total di 203 insidente.
Hopi desaroyo den e kuerpo
Aña 2023 ta un aña den kua – banda di e trabou regular – tabatin hopi desaroyo, manera: e kazèrne nobo di bombero na Saba, e trabou na e tayer di aire di respirashon na Saba, e kompra di vehíkulo nobo, e realisashon di opheto di ehersisio nobo i hopi mas. A pasa momentunan tristu tambe, manera pèrdida algun èks kolega di bombero. Pero tambe momentonan bunita, manera por ehèmpel e forsa ku kua e kuerpo ta trata ku momentonan di fèrdrit. BKCN ta para kla pa otro hende, pero tambe pa otro.
Brantwer no ta para ketu
Na 2024 tambe BKCN ta empeñá pa e seguridat di e habitantenan di Hulanda Karibense. E trabou no ta stòp nunka. Kada dia BKCN ta para kla pa protehá loke tin balor. Brantwer ta kombatí kandela, ta salba bida i ta duna asistensia den kaso di aksidente. E kuerpo ta preferá di evitá problema. P’esei nan ta empeñá tambe pa prevenshon i brantwer ta duna informashon i konseho. Asina riba www. rijksdienstcn.com bo por haña entre otro tep kon bo por prevení situashon ku hopi riesgo den kas.