Sekretario di estado ta bishitá Boneiru i Kòrsou

E sekretario di estado ta papia entre otro ku Konseho Insular i Kolegio Ehekutivo di Boneiru tokante e proseso di nombramentu di e gezaghèber nobo pa Boneiru. Otro temanan ta e progreso den supervishon i mantenshon i e órden espasial. Mas aleu, e sekretario di estado ta papia tokante e progreso di realisashon di kas pagabel na Boneiru.

Na Kòrsou e sekretario di estado ta papia ku Promé Minister Pisas riba diferente tópiko aktual. Entre otro riba e situashon di e solushon di Kòrsou i Sint Maarten pa e penshonadonan víktima di asegurado di penshun ENNIA.